Тропарь
Кондак
Величание
Молитва священномученику Кукше
О, святый страстотерпче, священномучениче Кукше, подвиги апостольския совершивый посреде обитания соплеменник твоих, отец наших, ихже ты светом истиннаго богопознания просвещал еси, и поданней ти благодати Духа Святаго бесы прогнавый, дождь с небесе сведый, езеро изсушивый и сотворивый ина многа чудеса, многострадальный же твой подвиг мученическою кончиною увенчавый. Приими от нас усердныя и умиленныя молитвы и вознеси я ко престолу Святые Троицы, идеже ты в лице святых предстоиши, яко да твоим ходотайством милостивый Господь утвердит в мире и славе страну нашу, в чадех же святые Православные Церкве да укрепит дух веры и благочестия, в пастерех ея да усугубит ревность к назиданию пасомых и да призрит милостивым оком на люди предстоящия и пребегающая к твоей помощи.
Ей, святый угодниче Божий, вемы, яко велиих ради страданий твоих много может молитва твоя к Богу, сего ради и мы с верою припадающе к честным и могоцелебным мощем твоим, во всятей твоей иконе сущим, молим тя духом сокрушенным и смиренным сердцем: не презри молений наших изливаемых пред тобою, и вознеси я ко всещедрому Богу, яко кадило благовонное, да твоим ходотайством выну почиет благодать его во граде нашем и во святей обители сей, идеже чтится преславное имя твое, и люди страны нашея, да сохранятся от глада, огня, смертоносные язвы и внезапныя смерти, от всяких бед и напастей. Споспешествуй, священномучениче Кукше, и нам грешным, зде предстоящим и молящимся рабом твоим, да охраняеми твоим предстательством, мирно и благочестно поживем в веце сем, славяще и благодаряще Единаго Бога, во Святей Троице славимаго, Отца и Сына и Святого Духа.
Аминь.